osad4.jpgosad1.jpgosad2.jpgosad3.jpgosad5.jpg

Note utilisateur: 0 / 5

Etoiles inactivesEtoiles inactivesEtoiles inactivesEtoiles inactivesEtoiles inactives
 

Ngir xeex bëtt-bëttu wasin « fistule obstétrique » dafa laaj kilifa yi amal aw tëralin wu matale, daj réew mépp  loolu la Profesëer Magéy Géy xalaat, njiital bànqaas bi màcc ci mbirum awra ak sawukaay, ci oppitaalu Grã Yoof (« chef du service d’urologie de l’Hôpital général de Grand-Yoff »).
APS 25 ut 2009        Tënk


Amal aw tëralin wu ànd ak ay jumtukaay yu ñu ko doxale

Tëralin woowu, su ñu ko doxalee ni mu ware, mën naa tax ñu daan ci juróomi at yiy ñëw  (2010-2015), musiba mu réy moomu, nga xam ne jigéen ñu bare yàq na seen àddina, te dara waralu ko, lu moy ñàkk ku leen taxawu. Li ci am solo mooy tasaare fajukaay yi, ak ndawi kër doktoor yi, ak jumtukaay yi ci biir gox yi, jigéen ñi mën cee dem ci lu àndul ak benn gàllankoor.

Bëtt-bëttu wasin lu koy indi  ?
Bëtt-bëttu wasin « fistule obstétrique », bëtt-bëtt la bu ubbiku diggante paftan mi nga xam ne mooy denc saw mi ak awra jigéen ji. Bëtt-bëttu wasin, li koy yóbbe jigéen  moo di ñàkk ku ko taxawu ba mu ëmbee, ñàkk yit ku ko taxawu ba muy wasin. Jàngoro jaa ngiy sababoo ci mat gu yàgg te metti. Baagante bi doom ji di baagante ci biiru ndey ji, diggante paftan mi ak yaxu ndigg li, ngir bëgg  a génn, mu të, am na lu muy yàq diggante paftan mi ak awra ndey ji, ndax béréb bi muy dal, dafay def ab góom. Bu doom ji génnee, góom boobu, bu demee ba wow ba def aw àkk, dafay mujj rot, su ko defee mu bàyyi ab bëtt-bëtt bu saw miy jaar, di sotteeku ci awra ji. Saw moomu nag dara dootu ko mën a téye, saa su ne day sotteeku, su ko defee nit ki fu mu tollu day tooy, xetu saw mi topp ko fu ne, àddinaam yàqu.

Yan pexe ñoo gën a baax ci wàllu fagaru ak paj ?
Pexe mi jiitu ci wàllu fagaru moo di samp ay fajukaay yu daj réew mi, boole ci nit ñi mën a jot ci paj mi. Dafa laaj ndawal kër doktoor bu am xam-xam taxawu jigéen ji ëmb ak jigéen jiy wasin. Wasinu kër moom lu mat a bàyyi la.

Nees koy faje ?
Ngir faj ko, fàww ñu oppeere ko, téere yeek yeneen xeeti njabar yi mënuñu ci dara.

Aji-tekki ji : Soxna Aram Faal

 
OSAD a leen baaxe dénkaane yii ci suuf, tibbe leen ci téere bi mu siiwal tudde ko : Ëmbub jàmm, OSAD, 1994

Yow, jigéenu-wérul bi :
•    deel seeti ndawal kër doktoor diirub ëmb bi ; dina def li war ci yow, teg la ci yoon;
•    bu Yàlla defee ba ngay matu, demal cib fajukaay, ndawal kër doktoor taxawu la ; dina la toppatoo, toppatoo sa doom, xamal la li nga war a def gannaaw wasin gi.
 

Joomla templates by a4joomla